عيد سعيد كل عام وانت بخير

 

 

تشغيل عرض الشرائح حفظ كافة الصور هل تريد حفظ كافة هذه الصور مرة واحدة؟ تعلم كيفية ذلك

تتوفر الصور على الإنترنت لمدة 30 يومًا

 

 

لشخصكم الكريم وللاسرة الفاضلة وكل محبيك عيد اضحى مبارك اعاده الله علينا وعليكم باليمن والخير والبركات وانعم الله عليكم بموفور الصحة والسعادة   محبكم  /  محمد القوصى

مشرف بعد الاستقالة

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

البيت بيتك

قصه ذات عبره حدثت فى برنامج البيت بيتك على التلفزيون المصري

فى حلقه الاعلامي محمود سعد اعلن عن حاله مرضيه لشخص محتاج عمليه زرع نخاع عاجله جدا ومحتاج لعمل العمليه فى الخارج وتحتاج 150 الف يورو اى مايعادل حوالي مليون ربعمائه الف جنيه مصري والحاله عاجله جدا
وبالفعل استطاع الاعلامي القدير محمود سعد لم التبرعات عن طريق التليفونات حتى حصل اثناء الحلقه وفي اقل من ساعه على حوالي 850 الف جنيه مصري
وده شئ عادي بيحدث فى حلقات هذا البرنامج لكن كان الاجمل من هذا كله انه اتصل شاب وتبرع بمبلغ 15 جنيه مصري اي مايعادل اثنين دولار امريكي
وبرر هذا الشاب ان هذا المبلغ الزهيد والقليل القيمه لكن بالنسبه لنا مبلغ عظيم جدا جدا لانسان محتاج وكما قال علي بن ابي طالب رضى الله عنه وارضاه : لا تستحي من اعطاء القليل فالحرمان اقل منه
وقد برر ان المبلغ ضئيل بسبب ان هذا المبلغ هو نصف مايملكه وللعلم هذه الحلقه كانت فى اوائل شهر فبراير يعني لسه قدامهم وقت على اخر الشهر
واثناء الحلقه اللي حدث الاتي
اتصل احد الاشخاص المتبرعين وتبرع بمبلغ محترم جدا وقال انني سوف اتبرع ايضا بمبلغ الف جنيه للشخص اللي اتبرع بـ 15 جنيه
وبعدها اتصل واحد تاني اتبرع للشخص المريض واتبرع ايضا للشخص اللي اتبرع بـ 15 جنيه بمبلغ خمسمائه جنيه

سبحان الله مانقص مال من صدقه
لان شريف اتبرع بنصف مايملك ربنا فى نفس الوقت عوض عليه بمبلغ الف وخمسمائه جنيه
وبالفعل استضاف محمود سعد ' شريف 'وعرف منه انه مصور تلفزيوني ولم يجد عمل وبالفعل قام وزير الاعلام بتعينه فى مبني التلفزيون المصري

وقال شريف انه اضطر ان يقول ان الـ 15 جنيه نصف مايملك لانه كان مستحي من المبلغ القليل للتبرع وبالفعل سمع اثناء البرنامج عن احتياج شخص لزرع نخاع بالخارج وقام شريف وسأل والدته المريضه بالقلب بسبب حزنها على وفاه اثنان من اخوانها وسألها : احنا معانا كام

ردت والدته وقالت اقل من ثلاثين جنيه واحنا لسه مدفعناش فاتوره الكهرباء
فسألها شريف : اتمانعين من اتبرع بنصف المبلغ اللي موجود فى البيت لشخص مريض محتاج
رد والدته وقالت : وماله يابني اتبرع له ، ماهو ميحسش بالمريض الا المريض اللي زيه
وبالفعل اتصل شريف وابترع بالـ 15 جنيه وربنا عوض عليه ب 1500 جنيه بالاضافه الى وظيفه مصور بالتلفزيون المصري وخصوصا فى برنامج البيت بيتك اللي كان يبحلم بيها من زمان

سبحان الله مانقص مال من صدقه وصدقه الفقير افضل مليون مره من صدقه الغنى ، ولن تنالوا البر حتى تنفقوا مما تحبون

الحمد لله رب العالمين على كل شئ

المصرى هو اللى !!!

 

 

 

 

 

المصـرى هو اللـى .....!!!

 

ــ    بيفهم فى الطب ويشخص المرض ويوصف لك الدوا بكل سهولةولا احسن استشارى امراض متخصصة .

ـ   وبيفهم في النقاشة والكهربا وتصليح العربيات والطبيخ والسياسة والكورة وهو أساسًا أبيض يا ورد والاهم اى استفسار دينى يبادر بالفتوى

ــ   بيحط الريموت كنترول في كيس بلاستيك كعادة فرعونية

ــ    يقف يتكلم على الباب نص ساعة بعد إنتهاء الزيارة والسلام ويفتكر الف موضوع

ــ    لمّا تفتح نملية المطبخ هتلاقي عنده عشرين برطمان بتاع مربى فاضيين ومية علبة صفيح وازايز فاضية بقالهم سنين ومازال مُصِر على جمع المزيد ( كنوز الفراعنة )

ــ    وييجي بعد معاده بساعتين ويفتكر إن ده عادى جدا وان لمته تبقى انسان مش بتقدر الظروف اللى هى دايما كده

ــ   لسه عنده إصرار إنه يتكلم بصوت عالي في الموبيل لما تكون المكالمة دولية عشان التانى يسمعه

ــ    بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللى جنبه أرخص من غير فصال

ــ    بيحتفظ بأكياس محلات اللبس والأحذية وورق الهدايا وورق الجرايد تحت مرتبة السرير لسنوات ومابيستخدمهاش

ــ    سطح بيته مليان كراكيب مكتوب عليها ممنوع اللمس او الاقتراب او اعادة الاستخدام

ــ    عنده صينية مكسرات متقسمة لتلات آو أربع أقسام لزوم المزاج وعمره ما إستخدمها

ــ    لما ييجى يشترى اى شىء وخاصة اجهزة كهربائية يعمل بحث وتحرى وياخد راى جيران الجيران ويلف ويدور ويسال ويشوف كانه هيشترى وكالة ناسا بحالها

ــ    عنده طقم السفرة الصينى والاركوبال لزوم بيت الزوجية وعمره ما هيستخدمهم لكنه مهم

ــ    ممكن يعدى التلاتين ولسه عايش مع أمه وأبوه وماعندهومش مشكلة وهو معندوش برضه مشكله

ــ    بيشترى قبل الفطار في رمضان مواد استهلاكية أصلاً موجود عنده في البيت ولسه ماستخدمهاش وبمناسبة رمضان كل عام وانتم بخير دايما زهقان وطفشان كانه صام الدهر كله

ــ    من 50 سنة بيخبز نفس رغيف العيش الوحش جدا ومستمتع بوقفته فى الطابور ومفكرش فى يوم طوال 50 سنة يحل نفس المشكلة

ــ    بيكون عنده شواية لزوم الرحلات أقصى استخدام لها كان مرة واحدة في العيد طبعا ده على امتداد عمره المديد

ــ    بيشيل طابع البريد من على الظرف لو الختم ما كانش عليه ويستعمله مرة تانية واللى يوصله يكرر نفس الحكاية

ــ     بيفتكر ان اى مصرى بيشتغل فى الخليج بيغرف فلوس من غير حساب وعنده بير بترول تحت بيته واول مايقابلك تكتر المشاريع فى راسه والبيزنس .

ــ    بيكون مشغول بقيمة البقشيش طول العشا يا ترى ربع جنيه ولا نص جنيه

ــ    برده بيتخانق ساعة دفع الحساب بحرارة شديدة على إنه هو اللي لازم يدفع

ــ    احسن واحد يقعد ع القهوة

ــ    احسن واحد يقابل اى ضيف اجنبى واحسن ضيافة وافضلية وياخد على دماغه بره بلده مواطن من درجة عاشرة وبرضه عاجبه الحال عجبى

ــ    احسن واحد يشترى ويخزن ذهب عادة فرعونية ويقول لك مش لاقيين ناكل

ــ   احسن واحد يحتفل بالحزن وان مكنش موجود يبتدعه ويشترى الهم لو بفلوس

ــ    يتعشى مع اخوه واول واحد غريب يقابله يشتكى له منه !!!

ــ    بيفرش ملاية سرير على طقم الأنتريه عشان يفضل نضيف لما ييجى ضيوف وما بيشيلهاش برضه لما ييجوا

ــ    والأهم إنه بيحب يسخر من نفسه ومن بلده وحكامه بس ما يطيقش حد تانى يسخر منهم، ودى جدعنته

 

 

.